ايه معني (Freelancing) في مجال الشبكات

من المشكلات الكبيرة اللي بنشتكي منها في مجال ال  network موضوع الFreelancing  !!!

يعني ايه Freelancing

يعني حضرتك يكون ليك مصدر دخل تاني غير المرتب اللي بتاخده من الشركة بتاعتك...او ان حضرتك تعمل شغل خاص بيك بمقابل مادي ليك انت العائد ميكنش لشركة.
بالنسبة للمبرمجين الموضوع دا متاح ليهم وبسهوله اي حد فيهم يعرف ينفذ تاسكات اون لاين علي الانترنت سواء تصميم مواقع او عمل برامج او Apps وبياخد فلوس في مقابل تنفيذ التاسك سواء بيتحاسب بالساعه او علي الtask  ككل ، بالنسبة لينا في مجال الشبكات الموضوع صعب شوية لأن اغلب الشركات بتكون موظفه فريق او علي الاقل شخص مسئول عن الشبكة ومش بيطلبوا دعم غير لو المهندس عندهم مش عارف ينفذ الجزئية دي .

 النصيحة بقي ايه؟؟

****************
نصيحة ليك كمهندس شبكات وحابب تحقق دخل اضافي ليك في الايام الصعبه اللي بنعيشها تبدأ تتعلم حاجات تقدر تعمل بيها شغل خاص بيك
هكلمك في جزئيتين
****************
الاولي:
******
انك تتعلم حاجه من المجالات السهله والمطلوبة جدا في سوق العمل اللي ممكن تعمل بيها شغل خاص بيك وبسهوله زي)) كاميرات المراقبة - اسمارت هوم - صيانة موبايل -طاقة شمسية -تسويق الكتروني - ديزاين وحاجات تانيه كتير))

الجزئية التانية :
************
دي بقي اللي تخصك كمهندس شبكات بتؤمن بالتخصص بتاعك ومش عايز تطلع من مجالك ,,,,, ابدا في تعلم حاجات في   Open source ودي اللي تخليك تقدر تعمل شغل لشركات ؟؟ ازاي؟
_ _ _ _ _ _ _ _ _ _ _ _ _ _
_ _ _ _ _ _ _ _ _ _ _ _ _ _ _

**الفكرة باختصار ان الشركات واقصد بيها  )المتوسطة او الصغيره( مبيكنش عندهم Budget  كبيرة  لحاجات كتير عايزين ينفذوها في الشركة ودا اللي بيمنعهم يطبقوها لكن لو لقوا مهندس هينفذلهم الحاجه دي بتكاليف مناسبة اكيد هيطبقوها علطول واحنا هنلعب علي الحته دي؟

مثال1:

******
شركة عايزين فايروول عشان يربطوا الفروع VPN او يقفلوا مواقع معينه ؟
عشان يشتروا فايروول من الشركات الموجوده في السوق زي Fortigate او Palo alto او ASA المبالغ بتكون كبيرة جدا جدا بالنسبة ليهم وlicense >>>انت بقي تعمل ايه؟؟
اتعلم PF sense مثلا ك Open source
هتلاقيه فايروول مجاني وانت هتطلب مبلغ محترم   في الconfiguration,
مثال2:
******
عايزين يعملوا عندهم VoIP server عشان يعملوا مكالمات مجانيه ويسجلوا المكالمات وهكذا ,,حضرتك هتعمل ايه ؟؟
اتعلم حاجه مثلا زي Elastic
مثال 3:
*******
عايزين يعملوا ايميلات باسم الشركة بتاعتهم ؟؟ المفروض انهم هيشتروا exchange server وهيجيبوله سيرفر بمواصفات عاليه وادمن مخصوص ليه وهكذا,,حضرتك هتعمل ايه ??
ممكن تحجز host علي النت بمبلغ سنوي بسيط مثلا وتقدر توزع منه لشركات كتير وتعمل زي office 365 ,, او انك تتعلم علي اي Free Mail Server زي مثلا:
Mail Enable

النصيحة :
***********
احضر ورش عمل في مجالات مختلفه علي قدر ماتقدر التنوع مطلوب وتنوع مصادر الدخل مطلوبة ,,في مجاالات كتير مجرد ماتحضر فيها ورشة تقدر تفتح بيزنس وتحقق مصدر جديد لدخلك والامثلة علي كدا كتير وزي ماقتلتكم هنتكلم عن الموضوع دا في مقال لوحده .

***في النهاية اتمني ان تاخذ الفكرة منك اهتمام لان هذا هوا المستقبل واصبح الان لا امان للشركات في ظل تسريح العماله لتقليل التكاليف ,,,لاتخاف من الفشل ,, فما النجاح الا نتيجه تراكم اخطاء كثيرة 

منقول من صفحة المهندس ياسر الزنوني